Saga Fagkaupa

Fagkaup

Fagkaup samanstendur af nokkrum mismunandi rekstareiningum, hvert með sína eigin sögu en byggir á sterkum grunni Johan Rönning, sem auk þess að vera leiðandi í sölu og þjónustu á raflaganaefni og rafbúnaði til fagmanna, hefur allt frá árinu 2007 við sameiningu systurfélaga sinna rekið öfluga stoðþjónustu við þær einingar ásamt öðrum rekstrareiningum sem bæst hafa við eftir því sem árin liðu.

Hér fyrir neðan er aðeins stiklað á upphafi þessara fyrirtækja og er svo tímalína með helstu punktum í sögu þeirra.

Johan Rönning

Fyrirtækið Johan Rönning ehf. var stofnað árið 1933. Árið 1941 var fyrirtækinu breytt í hlutafélag og var aðaláherslan þá lögð á rafverktakastarfsemi og voru starfsmenn um 50 víðs vegar um landið. Árið 1961 verða mikil tímamót hjá félaginu en þá var rafverktakastarfsemi félagsins seld og rekstur félagsins breytt í það form sem starfsemin byggir á enn í dag, en það er umboðs- og heildverslun með rafbúnað og rafmagnsvörur.

Sindri

Fyrirtækið var stofnað 1949 með það markmið að flytja inn stál, byggingavörur og verkfæri fyrir ört vaxandi byggingarmarkað á Íslandi. Á þessum tíma hefur fyrirtækið á eignast stóran hóp traustra viðskiptavina en helstu viðskiptavinir Sindra eru iðnfyrirtæki, verkstæði og einstaklingar.

S. Guðjónsson

Fyrirtækið S. Guðjónsson er rótgróið, stofnað árið 1958 og hefur allt frá árinu 1967 flutt inn og selt vörur í endursölu. Allt hófst þetta með innflutning og sölu á kastarabrautum frá Concord, en S.Guðjónsson er með elstu dreifingaraðilum í heimi á búnaði frá Concord.

Vatn & veitur

Vatn & veitur hf var stofnað árið 2010. Frá stofnun þess hefur það sérhæft sig í sölu og þjónustu til fagmanna á pípulagninga- og veitumarkaði.

Árið 2017 sameinaðist fyrirtækið Efnissölu G.E.Jóhannssonar undir nafni Vatns & veitna. Efnissala G.E.Jóhannsson hóf starfsemi árið 1978 sem verktaka- og innflutnings fyrirtæki, en síðar varð starfsemin einskorðuð við heildsölu og innflutning á lagnaefni og hreinlætistækjum.

Áltak

Áltak var stofnað í febrúar 1997. Alla tíð hefur megin áhersla fyrirtækisins verið að veita heildarlausnir í álklæðningum og undirkerfum. Fyrirtækið hefur farið ört stækkandi og vöruframboð aukist til muna. Í dag bjóðum við upp á heildarlausnir í kringum klæðningar, hljóðvist, steypumót, iðnaðarhurðir, vöruhúsarekka og margt fleira.

Tímalína

• 1933 - Johan Rönning er stofnað af samnefndum Norðmanni sem kom til Íslands árið 1920 til að vinna við uppsetningu á Elliðárvirkjun.
• 1941 - Johan Rönning er breytt í hlutafélag og var aðaláherslan þá lögð á rafverktakastarfsemi og voru starfsmenn um 50 víðs vegar um landið.
• 1949 - Sindri er stofnað undir nafninu Sindra-Stál af Einari Ásmundssyni og fjölskyldu með það markmið að flytja inn stál, byggingavörur og verkfæri.
• 1958 - S. Guðjónsson er stofnað af Sigurði Guðjónssyni.
• 1961 - Johan Rönning selur rafverktakastarfsemi sína og sneri fyrirtækið sér þá algerlega að innflutningi og heildsölu á rafbúnaði og öðru efni fyrir rafverktaka.
• 1967 - S. Guðjónsson hefur innflutning og sölu á vörum með kastarabrautum frá Concord.
• 1973 - Johan Rönning flytur fyrirtækið í sitt eigið húsnæði í Sundaborg.
• 1980 - Sindri Vinnuföt er stofnað undir nafninu Hebron sem heildsala með almennan innflutning ólíkra vöruflokka sem fljótlega sérhæfðist í öryggisskó, vinnu-, og hlífðarfatnað.
• 1987 - Johan Rönning stækkar húsnæði sitt að Sundagörðum til að bjóða upp stækkandi vöruúrval.
• 1987 - Johan Rönning stofnar heimilistækjadeild sem var fyrst til húsa í Kringlunni, síðar í Borgartúni og svo verslun í Skútuvogi 1.
• 1994 - Johan Rönning stækkar húsnæði sitt að Sundagörðum til að bjóða upp stækkandi vöruúrval.
• 1997 - Áltak er stofnað af Magnúsi Ólafssyni og Jóni H. Steingrímssyni til að bjóða heildarlausnir á álklæðningum og álundirkerfum.
• 1998 - Sindri Vinnuföt (Hebron) flytur starfsemi sína í eigið húsnæði að Viðarhöfða 6.
• 2002 - Sindri flytur starfsemi sína úr Borgartúni í nýreistar höfuðstöðvar að Klettagörðum 12.
• 2003 - Johan Rönning skiptir um eigendur þegar Bogi Þór Siguroddson og Linda Björk Ólafsdóttir kaupa félagið.
• 2004 - Johan Rönning opnar útibú að Óseyri 2, Akureyri.
• 2005 - Sindri skiptir um eigendur þegar Bogi Þór Siguroddson og Linda Björk Ólafsdóttir kaupa félagið.
• 2005 - Johan Rönning opnar útibú að Nesbraut 9, Reyðarfirði.
• 2006 - S. Guðjónsson skiptir um eigendur þegar Bogi Þór Siguroddson og Linda Björk Ólafsdóttir kaupa félagið.
• 2007 - Johan Rönning opnar útibú að Eyrarvegi 67, Selfossi.
• 2005 - Johan Rönning opnar útibú að Hafnargötu 52, Reykjanesbæ.
• 2007 - Sindri Vinnuföt (Hebron) skiptir um eigendur þegar Bogi Þór Siguroddson og Linda Björk Ólafsdóttir kaupa félagið.
• 2007 - Sindri Vinnuföt (Hebron) flytur verslun sína að Smiðjuvegi 1, Kópavogi.
• 2007 - Sindri selur úr rekstrinum efnissölu á stáli og málmum og einbeitir sér að sölu á verkfærum, festingum og vörum fyrir byggingariðnaðinn.
• 2007 - Johan Rönning, Sindri og Hebron sameinast undir nafni Johan Rönning og flutti félagið höfuðstöðvar sínar í stórglæsilega 6.680 m2 aðstöðu að Klettagörðum 12.
• 2007 - Johan Rönning á Akureyri flytur í nýstandsett og stórglæsilegt húsnæði að Draupnisgötu 2.
• 2009 - Áltak kaupir steypumótaleigu Doka á Íslandi og sameinar við rekstur sinn.
• 2010 - Áltak flytur í nýreistar og stórglæsilegar höfuðstöðvar að Fossaleyni 8, Reykjavík.
• 2010 - Johan Rönning ásamt Sindra er hástökkvari ársins í vinnumarkaðskönnun VR.
• 2011 - Johan Rönning ásamt Sindra er valið Fyrirmyndarfyrirtæki í vinnumarkaðskönnun VR og er jafnframt í öðru sæti í könnuninni.
• 2012 - Johan Rönning flytur höfuðstöðvar sínar nýstandsett og stórglæsilegt húsnæði að Klettagörðum 25.
• 2012 - Johan Rönning ásamt Sindra er valið Fyrirtæki ársins í vinnumarkaðskönnun VR.
• 2013 - Johan Rönning ásamt Sindra er valið Fyrirtæki ársins í vinnumarkaðskönnun VR.
• 2014 - Johan Rönning selur úr rekstrinum heimilistækjadeildina og einbeitir sér að sölu og þjónustu á raflagnaefni og rafbúnaði.
• 2014 - S. Guðjónsson er valið Fyrirmyndarfyrirtæki í vinnumarkaðskönnun VR.
• 2014 - Johan Rönning ásamt Sindra er valið Fyrirtæki ársins í vinnumarkaðskönnun VR.
• 2015 - Sindri opnar nýja verslun í Skútuvogi 1
• 2015 - S. Guðjónsson er valið Fyrirmyndarfyrirtæki í vinnumarkaðskönnun VR.
• 2015 - Johan Rönning ásamt Sindra er valið Fyrirtæki ársins í vinnumarkaðskönnun VR.
• 2016 - Johan Rönning opnar nýtt útibú að Mýrarholtsvegi 2, Grundartanga.
• 2016 - Áltak skiptir um eigendur þegar Bogi Þór Siguroddson og Linda Björk Ólafsdóttir kaupa félagið.
• 2016 - Sindri Vinnuföt er kynnt sem nýtt nafn fyrir Hebron vinnufatnað og rekur tvær verslanir á höfuðborgarsvæðinu, Smiðjuvegi 1 og Skútuvogi 1.
• 2016 - Áltak er valið Fyrirmyndarfyrirtæki í vinnumarkaðskönnun VR.
• 2016 - S. Guðjónsson er valið Fyrirmyndarfyrirtæki í vinnumarkaðskönnun VR.
• 2016 - Johan Rönning ásamt Sindra er valið Fyrirtæki ársins í vinnumarkaðskönnun VR.
• 2017 - Johan Rönning tekur yfir rekstur tveggja pípulagnaheildsala, Efnissölu G.E. Jóhannssonar og Vatn & veitur ehf.
• 2017 - Áltak er valið Fyrirmyndarfyrirtæki í vinnumarkaðskönnun VR.
• 2017 - S. Guðjónsson er valið Fyrirmyndarfyrirtæki í vinnumarkaðskönnun VR.
• 2017 - Johan Rönning ásamt Sindra og Vatn & veitur (Efnissala G.E) er valið Fyrirtæki ársins í vinnumarkaðskönnun VR.
• 2017 - Vatn & veitur sameinast Efnissölu G.E. Jóhannssonar undir nafninu Vatn & veitur sem starfrækir pípulagnaverslun fyrir fagmenn á Smiðjuvegi 42, Kópavogi og vöruafgreiðslu í Klettagörðum 6, Reykjavík.
• 2018 - Johan Rönning opnar stórbætta aðstöðu á Akureyri eftir að viðbygging hafði verið reist við verslunina að Draupnisgötu 2
• 2018 - Sindri Vinnuföt opnar útibú í sama húsnæði að Draupnisgötu 2, Akureyri.
• 2018 - S. Guðjónsson er valið Fyrirmyndarfyrirtæki í vinnumarkaðskönnun VR.
• 2018 - Áltak er valið Fyrirtæki ársins í vinnumarkaðskönnun VR.
• 2018 - Johan Rönning ásamt Sindra og Vatn & veitur er valið Fyrirtæki ársins í vinnumarkaðskönnun VR.
• 2018 - Fagkaup er kynnt sem nýtt móðurfélag ofangreindra fyrirtækja.
• 2018 - Johan Rönning tekur yfir rekstur verkfærasölunnar Logey.
• 2019 - Áltak er valið Fyrirmyndarfyrirtæki í vinnumarkaðskönnun VR.
• 2019 - Sindri og Logey sameinast undir nafni Sindra og er vöruúrval og útisala sameinað að Skútuvogi 1.
• 2019 - Johan Rönning í Reykjanesbæ flytur í nýtt húsnæði að Bolafæti 1.
• 2019 - Vatn & veitur opnar útibú í sama húsnæði að Bolafæti 1, Reykjanesbæ.
• 2019 - Sindri opnar útibú í sama húsnæði að Bolafæti 1, Reykjanesbæ.
• 2019 - Vatn & veitur sameinar starfemi sína á höfuðborgarsvæðinu í höfuðstöðvum á Smiðjuvegi 68 - 72.
• 2020 - Sindri sameinar starfsemi sína á höfuðborgarsvæðinu í höfuðstöðvum að Smiðjuvegi 11.
• 2021 - Fagkaup, Áltak og Johan Rönning sameinast undir nafni Fagkaupa.