Reikningsviðskipti

Fagkaup býður viðskiptavinum upp á reikningsviðskipti þar sem öll vörukaup eru færð í reikning og er hvert úttektartímabil almanaksmánuðurinn. Uppsöfnuð viðskiptaskuld er með gjalddaga 1. dag næsta mánaðar og eindagi er 10. þess sama mánaðar.

Öll vörukaup eru færð í reikning og er hvert úttektartímabil almanaksmánuðurinn. Uppsöfnuð viðskiptaskuld er með gjalddaga 1. dag næsta mánaðar og eindagi er 10. þess sama mánaðar. Þegar eindaga greiðsluseðils ber upp á helgi eða frídag er mikilvægt að greiða reikning síðasta virka dag fyrir eindaga fyrir klukkan 21.

Reikningar eru sendir rafrænt og krafa stofnast í heimabanka fyrsta dag hvers mánaðar. Greiðsluseðlar eru ekki sendir í pósti.

Sé reikningur ekki greiddur á eindaga reiknast dráttarvextir frá gjalddaga. Falli skuld í eindaga eru send út innheimtuviðvörun og innheimtubréf og er kostnaður vegna þessarar innheimtu skuldfærður á viðskiptareikning. Vísað er til laga nr. 95/2008 og reglugerðar varðandi innheimtugjöld. Sé innheimtuviðvörun og innheimtubréfi ekki sinnt þá er krafan send í lögfræðiinnheimtu.

Viðskiptavinir geta óskað eftir því að fá senda rafræna reikninga og/eða reikninga í tölvupósti.

Hægt er að fá aðgang að reikningayfirliti hér á vefnum, þar er hægt að skoða reikninga og prenta út hreyfingaryfirlit.

Þeir sem eru í forsvari fyrirtækja, svo sem forstjórar, fjármalastjórar eða aðrir prókúruhafar fyrirtækis, geta sótt um reikningsviðskipti hjá Fagkaup. Skilyrði fyrir því að reikningsumsókn sé samþykkt er að viðkomandi sé ekki á vanskilaskrá hjá Creditinfo Ísland og að CIP áhættumat fyrirtækis sé ekki hærra en 7. Ábyrgðarmaður þarf að vera fasteignareigandi og má ekki vera á vanskilaskrá hjá Creditinfo Ísland.

Ef farið er fram á reikningsheimild yfir 250.000 kr. er nauðsynlegt að skrifa undir sjálfskuldarábyrgð.

Vinsamlegast hafið samband við reikningar@fagkaup.is varðandi nánari upplýsingar.
Vinsamlegast sendið tölvupóst á yfirlit@fagkaup.is ef þið viljið fá sent hreyfingaryfirlit. Í tölvupósti þarf að koma fram, kennitala viðskiptavinar og umbeðið tímabil.