Sindri

Sindri flytur inn og selur verkfæri, vélar, loftpressur og festingavörur frá framleiðendum á borð við Dewalt, Toptul, Kraftwerk, Atlas Copco, Contracor, Ridgid, Knipex og Scangrip.

Allt vöruúrval Sindra er aðgengilegt í versluninni að Smiðjuvegi 11. Vörurnar eru einnig fáanlegar í verslunum Johan Rönning á Akureyri, Reyðarfirði, Selfossi og í Reykjanesbæ.

Fyrirtækið var stofnað árið 1949 af Einari Ásmundssyni og fjölskyldu hans til að flytja inn stál, byggingavörur og verkfæri fyrir ört vaxandi byggingamarkað. Í dag þjónustar Sindri fjölbreyttan hóp viðskiptavina, meðal annars iðnfyrirtæki, verkstæði og einstaklinga.

Sindri býður einnig upp á vinnu- og öryggisfatnað frá Blåkläder, Tranemo, Airtox, Bata og HKSDK. Fyrirtækið sér um sérmerkingar fyrir bæði fyrirtæki og einstaklinga. Fatnaður er seldur í verslunum að Smiðjuvegi 11, á Selfossi og Akureyri.

Þjónustuverkstæði Sindra sér um uppsetningu, viðgerðir og viðhald á tækjum sem fyrirtækið hefur umboð fyrir. Verkstæðið er staðsett að Smiðjuvegi 11.