Um Johan Rönning
Johan Rönning var stofnað árið 1933 af norðmanninum Johan Rönning sem kom upphaflega hingað til lands árið 1921 til að vinna við háspennutengingar í Elliðárvirkjun.
Johan Rönning snéri aftur hingað til lands árið 1926 fyrir milligöngu Steingríms Jónssonar, sem kallaður hefur verið „stóri maðurinn“ í rafvæðingarsögu Íslands á tuttugustu öld. Johan Rönning starfaði sem stjórnandi hjá Júlíusi Björnssyni sem var umsvifamikill rafverktaki í Reykjavík í tæp sjö ár eða allt til 1.júlí 1933 þegar hann öðlaðist íslenskan ríkisborgararétt. Uppfrá því stofnar hann fyrirtæki í eigin nafni og byrjar sjálfstæðan atvinnurekstur sem löggiltur rafvirkjameistari.
Johan Rönning varð á skömmum tíma eitt stærsta rafverktakafyrirtæki landsins með yfir fimmtíu starfsmenn og trúlega brautskráði það fleiri rafvirkja á þeim tæpu þremur áratugum sem það starfaði við rafverktöku en nokkuð annað rafverktakafyrirtæki, eða á milli fimmtíu og sextíu talsins. Johan Rönning er óumdeilanlega einn af brautryðjendum rafmagnsvæðingar landsins og hafði með mjög margar og mikilvægar framkvæmdir á því sviði að gera. Johan Rönning hlaut heiðursmerki hinnar íslensku fálkaorðu 1974 fyrir störf að rafmagnsmálum á Íslandi.
Johan Rönning hefur 9 ár í röð verið valið fyrirmyndarfyrirtæki VR ásamt því að hljóta nafnbótina fyrirtæki ársins sjö ár í röð, samfleytt frá 2012 til 2018.
Johan Rönning hlaut einnig jafnlaunavottun VR árið 2013, eitt af fyrstu fyrirtækjum í landinu til að hljóta slíka viðurkenningu, í dag hefur BSI jafnlaunavottun tekið við þessari viðurkenningu og er Johan Rönning vottað af þeim staðli (BSI ÍST 85:2012).
